Thursday, August 28, 2014

ළිඳට බහින්නේ බලාගෙනයි..

  පසුගිය දිනෙක ඔබට මාද්‍ය මගින් අසන්නට ලැබෙන්න ඇති කිසියම් පුද්ගලයකු ලිඳක් සුද්ද පවිත්‍ර කිරීමට ළිඳට බැසීමෙන් පසු මිය ගිය පුවතක්..හැබෑටම එහෙම වෙන්නේ ඇයි?හෙටදින මේගැන හිතලා ආයෙත් ඒ වගේ දේවල් නොවෙන්න ඔබ දැනුවත් කිරීමට සිතුවා..ලිඳක් පමණක් නොවෙයි.ගැඹුරු වලක්,දොර ජනේල වසා ඇති ගෑස් ගබඩා වකට වුවත් ඔබ එකවරම පිවිසීමේදී දෙවරක් කල්පනා කල යුතුයි.

පසුගියදා සිදුවූ ඒ විපතේදී කියවුනේ ළිං පතුලේ විෂවායු තිබී ඇති බවයි.ළිං පත්ලට විෂ වායු කොයින්ද?මෙයඅපට ඉතා සරලව කියා දෙන්න පුළුවන්..මෙහෙමයි වෙන්නේ..කාලාන්තරයක් තිස්සේ ළිඳට කොළ රොඩු වැටෙනවා..ඒවා ක්‍රමයෙන් පතුලට කිඳා බසිනවා..මේ කොළ රොඩු වල ත් ළිං පතුලේත් වායු රහිතව ජිවත්වන බැක්ටීරියා සිටිය හැක.උන් මොකද කරන්නේ..පතුලේ තියෙන කොලරොඩු ආහාරයට ගනිමින් මීතේන් නමැති වායුව පිට කරනවා..දින මාස ගනාවක් තිස්සේ එම වායුව ළිඳ තුල එකතුවන්නේ ළිඳේ වතුර පිරෙනවා වගේමයි..එම වායුව ඉහලට පැමිණ ළිං කටින් පිටව යන්නේ නැහැ..මොකද එම මීතේන් වායුව සාමාන්‍ය වාතයට වඩා බරින් වැඩියි.එනිසා එම වායුව ළිං පතුලේ සිට ඉහලට පිරෙමින් පවතිනවා..මෙම වායුව මිනිසාට හුස්ම ගැනීම අපහසු කරනවා..මොලයට ඔක්සිජන් ලැබීම අඩුවීමෙන් මුලින්ම වෙන්නේ ක්ලාන්ත වීමයි.එවිට ළිඳ තුල සිටින පුද්ගලයා කෙලින්ම වැටෙන්නේ වතුරට.පෙනහළු වලට ජලය ගමන් කර ඔහුට හුස්ම ගැනීම තවත් අවහිර වෙනවා..ඒ කියන්නේ විනාඩි ගණනක් ඇතුලත ඔහු මිය යනවා.ඉතින් ළිඳට වැටුන කෙනා ගොඩ ගන්න තව අයකු ඉක්මනින් ළිඳට බහිනවා..ඔහුටත් වෙන්නේ කලින් වූ පුද්ගලයාට වූ දේමයි..ඔබට පෙනෙනවා ඇති මෙය කෙතරම් අනතුරු දායක වැඩක්ද කියලා..මීතේන් වායුව ගිණි ගන්නා සුළු වායුවක්..මෙය වගුරු වායුව ලෙසද හැදින්වෙනවා..ළිඳ ගැඹුරු වන තරමට අවධානම වැඩි වෙනවා.මොකද පතුලට වාතය ගමන් කිරීම තවත් සිමා වෙන නිසා..

  • ඉතින් ළිඳට බහින්න කලින් එම විෂවායුව ඉවත් කරන්න බැරිද?ළිං පතුලේ රැඳී ඇති මීතේන් ඉවත් කිරීමට පහත ක්‍රමය හෙට දින යෝජනා කරනවා..කම්බි දෙකක ආධාරයෙන් ලෑලි කැබැල්ලක සවි කල දල්වන ලද ඉටි පන්දමක් ළිං පතුලට කඹයක ආදාරයෙන් බැස්ස වීමෙන් එහි පතුලේ වන මීතේන් වායුව දවා අවසන් කල හැකියි..වැඩි පුර ගින්දර පතුලට නොදැමිය යුත්තේ කාබන්ඩයොක්සයිඩ් වායුවද එම නිසා එකතුවිය හැකි නිසයි.එමෙන්ම ඉටි පන්දම පතුලට දමන විට එය නිවී ගියහොත් කිසිසේත්ම ළිඳට බැසීම සුදුසු නැහැ..


ඔබට ජය!

2 comments:

  1. ඉතාම වටිනා උපදෙසක්.

    ReplyDelete
  2. Shaa attama watina upadesk

    ReplyDelete

ඔබේ අදහස අගය කරමි.නැවත පැමිණෙන්න..
**හෙටදින අඩවිය සියලු දෙනාගේ අදහස් ප්‍රකාශ කිරීමේ අයිතිය සුරකින අතර මෙම වෙබ් අඩවියේ පලවන ඕනෑම ලිපියක් සඳහා මතිමතාන්තර ඉදිරිපත් කිරීමට ඔබට හැකිය.එයින් ගම්‍ය වන්නේ හෙටදින අඩවියේ අදහස නොවේ.මෙහි පළවන සියලු අදහස් හා උදහස් වල ප්‍රකාශන සම්බන්දයෙන් අප කිසිම අයුරකින් වග කීමක් දරනු නොලැබේ..ඔබ කිසිවිටෙකත් රාජ්‍ය හෝ පවුද්ගලික ආයතනයක නමක් සඳහන් කරමින් මෙහි කමෙන්ට් නොදැමිය යුතුය.කිසිම පුද්ගලයකුගේ චරිතයට හානි වන කමෙන්ට් දැමීම හා අනවශ්‍ය පරිදි spam කිරීමෙන් වලකින්න.එවැනි කමෙන්ට් වෙතොත් මාවෙත දන්වන්න.හෙටදින අඩවියේ අරමුණ සියලු දෙනා හට පරම සේවය සැලසීම වෙනුවෙනි.