Thursday, October 9, 2014

solar controller එකෙන් වැඩ දාමු..

  අපේ බ්ලොග් එක කියවලා කට්ටිය solar විදුලි ජනක නිර්මාණය කරලා.දැන් ගෙදර ලයිට් දාන්නේ බැටරියෙන් කියලා සතුටින් මට email කරපු ගණන ඉතා විශාලයි.තරහා වෙන්න එපා හැමෝටම රිප්ලයි දෙන්න බැරි වුනාට.හරි ඔයාලට තවත් ටිකක් හෙල්ප් එකක් දෙන්න එක්ක මම කියලා දෙන්නම් solar controller එක ගැන තව ටිකක්.අද මම කියා දෙන්නේ ST-G1210 කියන solar controller
එක ගැන.ගොඩක් දෙනාට මේගැන උනන්දුව තිබුනාට ඉංග්‍රීසි ටිකක් අවුල් අය මට නිතරම කියනවා සිංහලින් ඒවා කියලා දෙන්න කියලා..
  • solar controller එක හයි කරන නිවැරදි ක්‍රමය කුමක්ද?

මුලින්ම බැටරියට controller එක සවි කරන්න.දෙවනුව සුර්ය පැනල වලින් එන කේබල් දෙක controller එකට සවි කරන්න.බැටරියට controller එක සවිකළ ගමන් එය ස්වයංක්‍රීයව බැටරියේ වෝල්ටීයතාව හදුනා ගන්නවා..24v හරි 12 v වුනත් මෙයට කිසිම අවුලක් නැතිව හදුනා ගන්න පුළුවන්.මම මුලින් කිව්වුව විදිහට මුලින්ම බැටරියට controller එක සවිකළේ නැතිනම් හරියට controller එකට නියමිත වෝල්ටීයතාවය හදුනා ගන්න බැහැ.
  • controller එකට සවිකළ යුතු සුර්ය පැනලයේ වෝල්ටීයතාව කීයද?

මෙය මම ඉහත දැක්වූ එකේ නම් 40 v ලෙස දැක්වෙනවා..ඊට වඩා වැඩිවුනොත් හානි වෙන්න පුළුවන්.අවම ගණන 16v ඇම්පියර් 32 ක බැටරියක් දිනකදී සම්පුර්ණ නම ආරෝපණයට 50 w විතර පැනල එකක් ඇති.ST-G1210 controller එකේ බැටරිය ආරෝපණය පෙන්වන led තිරයක් තියෙනවා..එහි රතුපාටින් led දැල්වෙමින් ආරෝපණය පෙන්වනවා..හරියට phone එකේ ආරෝපණය පෙන්වනවා වගේ.කට්ට, ටික ටික පිරෙනවා කියන්නේ බැටරිය ආරෝපණය වෙනවා කියන එකයි.එහි අගය ප්‍රතිශතයක් ලෙස ඉහලින් දක්වා තිබෙනවා.
  • controller settings මොනවාද?

ඔවු ඔයාලට ඕන විදිහට මේක පාලනය වෙන්න කලින් ටයිමින් තියන්න පුළුවන්.මෙහි දකුණු පැත්තේ ඇති ඩිස්ප්ලේ එකේ ඔබ තෝරා ගත් ප්‍රෝග්‍රෑම් එක පෙන්වනවා අංකයකින්.මෙහි 0 සිට 17 දක්වා අංක ලබා ගත හැකියි.ඒ සඳහා වම් පස ඇති time/mode ලෙස දක්වා ඇති බට්න් එක තත්පර කීපයක් ඔබා ගෙන ඉන්න එවිට පෙනේවි දකුණු පස led ඩිස්ප්ලේ එක නිවී නිවී දැල්වෙනවා..දැන්  time/mode බට්න් එක ඔබමින් අත හරිමින් ඔබට අවශ්‍ය අංක තෝරා ගත හැකියි.
එම අංක වලින් දැක්වෙන්නේ මේ කරුණු.
0 -මේක දැම්මම බැටරිය ආරෝපණය වෙනවා controler එකෙන් output එක දෙන්නේ නැහැ..
1 සිට 15 මේක දැම්මොත් දවල්ට බැටරිය ආරෝපණය වෙනවා..හිරු එලිය නැතිවීමත් එක්ක රෑ වෙන කොට ස්වයංක්‍රීයව output එක ලැබෙනවා.එය පිට වන්නේ ඔබ අංකණය කල පැය ගණන අනුවයි.උදා හරණයක් ලෙස අංක 10 ලෙස ඔබ තැබුවහොත් output එක ලැබී පැය 10ක් පවතිනවා..
16- දැම්මොත් ඔබට මැනුවල් තමයි on/off කරන වෙන්නේ..ඒකට load ON/OFF බට්න් එක යොදා ගන්න පුළුවන්.
17- තැබුවොත් ඔබ කලින් සකස් කල සියලු සෙටිග්ස් මැකෙනවා..
මම හිතනවා ඔබට ගොඩක් දැනුමක් ලැබෙන්න ති කියලා..මේ සියල වීඩියෝ පාඩම් ලෙස අපේ සිංහල පැකේජ් එකේ සකස් කර තියෙනවා..
  • බැටරිය දිගු කලක් භාවිතා කරන්නේ කොහොමද?

වෝල්ටා බැටරියකට වසර එක හමාරක වොරන්ටියක් තියෙනවා..මාසයකට වතාවක් සර්විස් පාරක් දා ගන්න.අනික ඔයාල ඉන්වර්ටරය සවිකරන විට කිඹුල් ක්ලිප්ස් යොදන්න එපා..එවිට බැටරි කණු වලට හරියට සම්බන්ද වන්නේ නැහැ.තාවකලිකවනම් අවුලක් නෑ.මේකට ධන රින සම්බන්ධක ඔයාලා බැටරි ගන්න කඩෙන්ම ලබා ගන්න පුළුවන්.
අනික කෙලින්ම සුර්ය පැනල බැටරියට සවිකරන්න එපා..ආරෝපණය වැඩි වුනොත් ගෑස් පිටවෙලා බැටරියට හානි වේවි.හැම විටම solar controller එකක් යොදා ගන්න.ඔබට අවශ්‍ය controller අප වෙතින්  ලබා ගත හැකියි.
ඔබට ජය! 

10 comments:

  1. ගොඩක් හොඳ ලිපියක්. ඇත්තටම සතුටුයි නොමිළේ මේ වගේ දෙයක් කියලා දෙන එක. කියන්න පුළුවන්ද මේකට හයි කරන බැටරියක් කීයක් විතර වෙනවද කියලා?

    ReplyDelete
    Replies
    1. volta 32A එකක් රු.7500.00

      Delete
  2. මේ ලිපි සියල්ලම අපට ගොඩක් වැදගත් වගේම ගොඩක් ප්‍රයෝජනවත්. ඔබට ගොඩක් ස්තූතියි. ඒ වගේම අර ලංකාවෙ චැනල් නොමිලේම බලන්න පුලුවන් සැටලයිට් කනෙක්ෂන් එක හදා ගන්න හැටි ගැනත් ලිපියක් ඉක්මනටම දාන්න.
    බොහොම ස්තූතියි !
    ඔබට ජය !

    ReplyDelete
  3. මේ solar controller කීයක් විතර වෙනවද ? BRAND එක ?? කොහෙද ගන්න තියෙන්නේ ???

    ReplyDelete
    Replies
    1. ST-G1210 මට ගෙන්වලා දෙන්න පුළුවන් මේක 3500 විතර වෙයි.

      Delete
  4. සිසිර..... මා ගාව තියෙන්නෙ 12V 65Ah Battery එකක්... මට මේක charger කරන්න හොද solar controller එකක් කියන්න...

    ReplyDelete
    Replies
    1. ඕකට ඇම්පියර් 20 ක එකක් දාන්න.ST-G1220

      Delete
  5. මම දැනට communication 1ක් පවත්වා ගෙන යනවා .ඊට අමතරව battery charge කරන ස්ථානයක් ද පවත්වාගෙන යනවා .දිනකට battery 2ක් 3ක් විතර තමා charge කිරීමට තියෙන්නෙ .මම හිතුවා මේකට සොලර් power යොදාගෙන වැඩේ කරන්න .මම හිතනවා මේකට වැඩිපුර පැනල් ගණනක් අවශ්‍ය වේවි කියලා .දැනට පැනල් 2ක් විතර සවිකර පසුව ඉතිරි පැනල් සවිකරගත හැකිද .සමාන්නයෙන් watt කීයක විතර පැනල් සවිකිරීම සුදුසුද .එකවර battery 2ක් වත් (ඇම්පියර් 60 පමණ )charge කරගැනීමට අවශ්‍ය වේ .

    ReplyDelete
    Replies
    1. ඇම්පියර් 60 ක බැටරියක් දවසකින් චාර්ජ් කරන්න.අඩුම ගානේ වොට් 100 ක පැනල එකක් ඕනා..බැටරි දෙකක් චාර්ජ් කරන්න වොට් 200 කවත් පැනල අවශ්‍යයි.පසුව තව පැනල සවිකරනවා නම් controller එක ඇම්පියර් 20 හෝ ඊට වැඩි එකක් යොදන්න.

      Delete

ඔබේ අදහස අගය කරමි.නැවත පැමිණෙන්න..
**හෙටදින අඩවිය සියලු දෙනාගේ අදහස් ප්‍රකාශ කිරීමේ අයිතිය සුරකින අතර මෙම වෙබ් අඩවියේ පලවන ඕනෑම ලිපියක් සඳහා මතිමතාන්තර ඉදිරිපත් කිරීමට ඔබට හැකිය.එයින් ගම්‍ය වන්නේ හෙටදින අඩවියේ අදහස නොවේ.මෙහි පළවන සියලු අදහස් හා උදහස් වල ප්‍රකාශන සම්බන්දයෙන් අප කිසිම අයුරකින් වග කීමක් දරනු නොලැබේ..ඔබ කිසිවිටෙකත් රාජ්‍ය හෝ පවුද්ගලික ආයතනයක නමක් සඳහන් කරමින් මෙහි කමෙන්ට් නොදැමිය යුතුය.කිසිම පුද්ගලයකුගේ චරිතයට හානි වන කමෙන්ට් දැමීම හා අනවශ්‍ය පරිදි spam කිරීමෙන් වලකින්න.එවැනි කමෙන්ට් වෙතොත් මාවෙත දන්වන්න.හෙටදින අඩවියේ අරමුණ සියලු දෙනා හට පරම සේවය සැලසීම වෙනුවෙනි.